Agur Mikel.

Abenduaren 1

Gaur, Mikel Laboa zendu da, egun euritsu, gris eta hotz hontan, berri horrekin esnatu nahiz eta oraizapen asko ekarri dit burura, txikitako igandeak(amak bere musika jartzen bai zuen; o Pello. o Pello, txoriak txori, Urtsuko kanta…) eta baita ere ezagutu nion eguna.

Mikelek etxe bat zeukan Arizkunen (edo dauka, azken urte hauetan gutti ikusi zizaion), bazen garai batean demboraldi luzeak pasatzen zituela baztanen, garai hoietan noiz beinka paseatzerakoan gure etxetik pasatzen zen, nik aitarekin baratzean nengoen eta solas hasi zizaigun, solas luze izan zuten aita eta berak, gizona joan zenean Mikel Laboa kantaria zela erran zidan aitak, nik garai haietan  La polla records, zikatriz, barrikada eta antzekoak entzuten nituen, eta Mikel Laboa eta bertze batzuk zaharren gauzak iruditzan zitzaidan .

Egun hortatik aurrera, aldizka ikusten ginenean; – egunon! – egunon!, ze denbora hona… eta alako hitzak   trukatzen giñen  (nik betidanik hitzlari txarra izan nahiz eta) Gero demborarekin gero eta guttiago ikusten nion , seguraski Arizkungo bertze alde  batzuetara joango zen edo akaso nik baratzean gero eta guttiago egongo nintzen.

Mikel Donostian sortua zen eta Lekeition  haurtzaroa pastu zuen baina  donostiarra eta lekeitiarra izanez gain baztandarra ere zen , Baztan asko maitatu zuen eta hori bere lanetan ikus daiteke, Urtsuako kantan, Baztan abestia (honetaz jakituak bere lan “lirikoena” dela erraten dute)

Youtube aurkitu dut bideo bat Mikel Laboaren Txoria txori abestiaren bertsio eder bat (bideoa KTDAngelo rena da) .

Kasu hauetan goian bego erraten da , eztakit non egongo zaren baino espero dut zauden lekuan zure ondoan zure gitarra egotea.

Agur Mikel